“გაყიდე და შეგერგებაო”, ამით ყველაფერს აუფასურებ-გია ხუხაშვილი

რობერტ სტურუასთვის სახელმწიფოს მხრიდან ქონების გადაცემას ეხმაურება გია ხუხაშვილი და ამბობს:

“რობერტ სტურუა წარსული შემოქმედებით ნამდვილად იმსახურებს იმას, რომ სახელმწიფო ზრუნავდეს მის ყოფაზე და თუ რაიმე მატერიალური პრობლემა შეექმნა ჯანმრთელობის, ან თუნდაც ვალდებულებებთან დაკავშირებით, დაეხმაროს მის გადაწყვეტაში.

თუმცა ეს უნდა მოხდეს პირდაპირი, გამჭვირვალე წესით და ფინანსური სახით.როცა ადამიანს თუნდაც დახმარება ჭირდება და შენ მას რაიმე ქონებას აძლევ – “გაყიდე და შეგერგებაო”, ამით ყველაფერს აუფასურებ. საკუთარ თავსაც წვრილმან ჩარჩად წარმოადგენ და იმასაც ამცირებ…. თუმცა ეს იმ შემთხვევაში, თუ მხარეებს ღირსებაზე რაიმე წარმოდგენა აქვს.”