მარიუპოლი დანებებას არ აპირებს

რუსეთის შეჭრიდან უკრაინაში 26 დღე გავიდა, თუმცა ოკუპანტების, როგორც წინა დღეებში ასევე დღესაც ხელშესახები წინსვლა არ აქვთ არც ერთ დიდ ქალაქში, გარდა მარიუპოლისა. უმძიმესი სიტუაციაა მარიუპოლში, სადაც ოკუპანტების ჯარებმა ასობით უდანაშაულო მოქალაქეს მოუსპეს სიცოცხლე და ამასთანავე დღითი-დღე უფრო მეტად აფართოებენ ალყის არეალს. თამამად შეგვიძლია ვთქვათ, რომ მარიუპოლში საშინელ ალყაშია და ჰუმანიტარული დახმარებების მიწოდება შეუძლებელი ხდება. ამასთანავე, გუშინ, პუტინის ბრძანებით დაიწყო ოდესის და ლვივის დაბომბვები, ბოლო ცნობებით ამ უკანასკნელში სირენებია ჩართული და მიმდინარეობს ბრძოლები. მარიუპოლთან შედარებით იქ უფრო ნაკლები შეჯახებებია, უფრო პოზიციური შეტევებია. მარიუპოლს იცავს ე.წ. ” აზოვის პოლკი”, რომელიც 1500 სამხედროსგან შედგება და როგორც ბევრი სამხედრო ექსპერტი ამბობს, ყველაზე მძლავრი ძალაა უკრაინის სამხედრო დანაყოფებში. სწორედ მათი ვაჟკაცობით ამდენი ხნის განმავლობაში მარიუპოლი არ დაცემულა.

გუშინ რუსეთის ფედერაციამ მოთხოვნა წაუყენა მარიუპოლს- “დაჟინებით ვითხოვთ ოფიციალურ წერილობით პასუხს უკრაინის მხრიდან ხვალ, ანუ 21 მარტის დილის 5 საათამდე ყველაფერ ჩამოთვლილზე, მათ შორის რუსეთის ფედერაციის ჰუმანიტარულ შემოთავაზებებზე, მარიუპოლელებისა და ქალაქის ინფრასტრუქტურის გადარჩენის სახელით…

კიევის ოფიციალურ ხელისუფლებას მოვუწოდებთ კეთილგონიერებისა და ადრე გაცემული ბრძანების გაუქმებისკენ, რომელიც ბოევიკებს თავის გაწირვას ავალდებულებდა და აიძულებდა “მარიუპოლის წამებულები” გამხდარიყვნენ, – ამბობს რუსეთის თავდაცვის მართვის ეროვნული ცენტრის მეთაურის გენერალ-პოლკოვნიკი მიხაილ მიზინცევი.

ქალაქი არ დაემორჩილა ოკუპანტების ამ მოთხოვნას და როგორც მათ განაცხადეს, უკანასკნელი სამხედროც კი ბოლომდე იბრძოლებს ბოროტების იმპერიის წინააღმდეგ. სტრატეგიული მნიშვნელობის მატარებელია ქალაქი მარიუპოლი, რადგან,თუ მანდ რუსებმა ფეხი მოიკიდეს, ამის შემდეგ, ისინი მოამზადებენ პოზიციებს და გაშლიან შეტევის არეალს, ამ მხრივად ამ ქალაქის დაკავება მათთვის კრიტიკულად მნიშვნელოვანია. ცხადია ეს ყველაფერი უკრაინამ მათზე უფრო კარგად იცის და მთელი რესურსებით შეეცდება მის დაცვას.

ბრიტანეთის უსაფრთხოების სამსახურის მოხსენების თანახმად, რუსეთის ფედერაცია ამ კვირის განმავლობაში მაქსიმალურად შეუტევს კიევს და ყველა საშუალებას გამოიყენებს მის ასაღებად. ბრიტანელები ამბობენ, რომ პუტინს გეგმა, რომელიც ჰქონდა უკრაინის მთავრობის შეცვლის – არ გამოივუდა, ამიტომაც გადავიდა სხვა გეგმაზე, რაც უშუალოდ კიევის ინტერვენციას გულისხმობს. ამიტომ ისინი ვარაუდობენ, რომ შეტევები გაძლიერდება და მთელი რესურსების გადასხმა მოხდება კიევის შემოგარენში, სადაც კიდევ ერთხელ შეგახსენებთ, რომ რუსებს არანაირი წინსვლა არ აქვთ, მეტსაც გეტყვით, 60 კილომეტრის მოშორებით არიან კიევიდან.