ჭდე: სასამართლო

ჰააგის მართლმსაჯულების საერთაშორისო სასამართლომ განაცხადა, რომ უკრაინის მიერ რუსეთის წინააღმდეგ აღძრულ საქმეზე გადაწყვეტილებას 16 მარტს გამოიტანს. საერთაშორისო სასამართლოს ოფიციალურ განცხადებაში ნათქვამია, რომ სასამართლო ბრძანებას ადგილობრივი დროით, 16 მარტს, 16:00 საათზე გამოაქვეყნებს.

სასამართლოში საქმე უკრაინამ 24 თებერვალს, რუსეთის შეჭრის შემდეგ შეიტანა.

უკრაინული მხარე რუსეთს ადანაშაულებს ცრუ განცხადებების გამოყენებაში, რომ უკრაინული ძალები ახორციელებდნენ გენოციდს, დონბასის რეგიონის სეპარატისტთა მიერ კონტროლირებად რეგიონებში თავდასხმის საბაბად.

ჰააგის საერთაშორისო სასამართლომ ასევე ცალკე დაიწყო გამოძიება ომის დანაშაულებებზე, რათა უკრაინაში ჩადენილი ომის დანაშაულების შესახებ ბრალდებები განიხილოს.

პროკურატურის მიერ წარდგენილი მტკიცებულებები სრულად გაიზიარა ახალციხის რაიონულმა სასამართლომ და წინასწარი შეცნობით თოთხმეტ წელს მიუღწეველი პირის მიმართ ძალადობის მუქარით, სექსუალური ხასიათის ქმედების ჩადენის ფაქტზე ბრალდებული დამნაშავედ ცნო.

ბრალდების მხარის მიერ სასამართლო პროცესზე გამოკვლეული მტკიცებულებებით დადასტურდა, რომ ო.ნ.-მ ძალადობის მუქარით და დაზარალებულის უმწეობის გამოყენებით, არასრულწლოვნის მიმართ რამდენჯერმე განახორციელა სექსუალური ხასიათის ქმედებები. 

ახალციხის რაიონულმა სასამართლომ ო.ნ. დამნაშავედ ცნო საქართველოს სისხლის სამართლის კოდექსის 138-ემუხლის მე-4 ნაწილის „ა“ ქვეპუნქტით (სექსუალური ხასიათის სხვაგვარი ქმედება ჩადენილი ძალადობის მუქარით და დაზარალებულის უმწეობის გამოყენებით) (სამი ეპიზოდი) გათვალისწინებული დანაშაულის ჩადენაში და დანაშაულთა ერთობლიობით, სასჯელის სახედ და ზომად 15 წლით თავისუფლების აღკვეთა განუსაზღვრა.

ცხადია, დღეს ბევრს უკვირს და აღაშფოთებს ის, რაც დამოუკიდებელი ინსპექტორის სამსახურის თავს ხდება.”ქართული ოცნება” ხელისუფლებაში რომ მოვიდა, რამდენიმე თვეში იგივე დამართა ყველა თვითმმართველობას – ბოლომდე დაიმორჩილა – ხმა თითქმის არავის ამოუღია; შემდეგ სასამართლო ხელისუფლებას მიადგა, მურუსიძე მსხვერპლად გამოაცხადა და დაიმორჩილა – აქაც დიდი წინააღმდეგობა არ შეხვედრია;შემდეგ ეროვნულ ბანკს მიადგა, ფეხი ძნელად ჩაუვიდა, რადგან ბოლომდე იბრძოლა გიორგი ქადაგიძემ, თუმცა მასაც გაუვიდა ვადა და ეროვნული ბანკიც პარტიულ კონტროლს დაუქვემდებარა.შემდეგ საკონსტიტუციო სასამართლოს მიადგა, კანონები შეცვალა და სასამართლოს ბოლომდე ლაგამი ამოსდო.და ახლა დადგა ინსპექტორის ჯერიც. ანუ არაფერს ახალს და მისთვის უჩვეულოს ოცნება ახლა არ აკეთებს და ალბათ გაკვირვებულიცაა, რატომ ცხარობს ხალხი.

მესამე პრეზიდენტის საქართველოში შემოსვლის საქმეზე დაკავებულებმა წარგდენილი ბრალდება აღიარეს. ამის შესახებ ჟურნალისტებთან საქმის პროკურორმა სასამართლო პროცესის დაწყებამდე განაცხადა. მისი თქმით, პროცესზე წარადგენენ მტკიცებულებებს, რომელთა შორის აღიარებითი ჩვენებებიცაა.

“მტკიცებულებები არის აღიარებითი ჩვენება, ოთხივე ბრალდებულის. ასევე, სხვა მოწმეების ჩვენება, ვიდეომასალა, დეტალურად თუ საიდან, როდის, რა ვითარებაში ჩამობრძანდა ბრალდებული, სად გადაადგილდებოდა, შესაბამისად წარმოდგენილი ყველა მტკიცებულებით დასტურდება ერთი გარემოება, რომ მიხეილ სააკაშვილის შესახებ ჰქონდათ ცნობა და მათ დაფარეს დანაშაული”, – ამბობს პროკურორი.